Glance through our Shayari Section and find the perfect Shayari to share on your social media account or to dedicate it to your near and dear ones. We have a wide range of heart touching Shayaris that are true to one’s feelings or emotions.
Teri nigaah ke jadu bikharte jate hain,
Jo zakhm dil ko miley woh bharte jate hain,
Tere bagher woh din bhi guzar gaye akhir,
Tere bagher yeh din bhi guzarte jate hain,
Liye chalo mujhe darya-e-shauk ki maujo,
Ke hamsafar tou mere paar utarte jate hain,
Tamaam umar jahan hanste khelte guzaari,
Ab us gali mein bhi hum darte darte jate hain,
Mein khawhishon ke gharonde banaye jata hoon,
Woh mehntain meri barbaad kiye jate hain.
0Be-Karaan Tanhaayion Ka Silsila Reh Jaaye Ga,
Tere Mere Darmiyaan, Bas Ik Khalaa Reh Jaaye Ga,
Aks Beh Jaayein Ge Saaray Dhoop Ke Sailaab Mein,
Aur Koi Paanion Mein Jhaankta Reh Jaaye Ga,
Mujh Ko Mere Hamsafar Aisa Safar Darpaish Hai,
Raasta Kat Bhee Gaya Tou Faasla Reh Jaaye Ga,
Loog So Jaayein Ge Khamoshi Ki Chaadar Orh Kar,
Chaand Soonay Aanganon Mein Jaagta Reh Jaaye Ga,
Jo Kubhi Os Ne Parheen Theen Mujh Se Nasir Maang Kar,
Naam Mera Un Kitaabon Mein Likha Reh Jaaye Ga.
0Duniya Ke Sitam Yaad Na Apni Wafaa Yaad,
Ab Mujh Ko Nahi Kuch Bhi Mohabbat Ke Siwa Yaad,
Mein Shikwah Ba Lab Tha, Mujhe Ye Na Bhi Raha Yaad,
Shayad Ke Mere Bhoolnay Waalay Ne Kia Yaad,
Kia Jaaniye Kia Ho Gaya Arbaab-e-Junoo.n Ko,
Jeenay Ki Adaa Yaad Na Marnay Ki Adaa Yaad,
Kia Lutf Ke Mein Apna Pataa Aap Bataaon,
Kijiye Koi Bhooli Howi Khaas Apni Adaa Yaad,
Muddat Howi Ek Haadsa-e-Ishq Ko Laikin,
Ab Tak Hai Tere Dil Ke Dharaknay Ki Sadaa Yaad.
0Sheher sunsaan hai kidhar jaayen,
Khaak ho kar kahin bikhar jayen,
Raat kitni guzar gayi lekin,
Itni himat nahin ke ghar jayen,
Yoon tere dheyaan se laraztaa hoon,
Jaise patey hawaa se didar jayen,
Un ujaalon ki dhun main phirta hoon,
Chhab dikhate hi jo guzar jayen,
Rein andheri hai aur kinaara door,
Chaand nikle to paar utar jayen.
0Tere aane ka dhoka sa raha hai,
Diya sa raat bhar jaltaa raha hai,
Ajab hai raat se ankhon ka aalam,
Yeh dariyaa raat bhar charrhta raha hai,
Suna hai raat bhar barsaa hai baadal,
Magar woh sheher jo pyaasa raha hai,
Woh koi dost tha ache dinon ka,
Jo pichli raat se yaad aa raha hai,
Kise dhoondo ge in galiyon main “nasir”,
Chalo ab ghar chalen din ja raha hai.
0Kya zamana tha ke hum har roz mila karte the,
Raat bhar chaand ke humraah phira karte the,
Jahan tanhaayiyan sar phorr ke so jati hain,
Un makaanon main ajab log raha karte the,
Kar diya aaj zamaane ne unhe bhi majboor,
Kabhi yeh log mere dukh ki dawaa karte the,
Dekh kar jo humen chup chaap guzar jaata hai,
Kabhi uss shakss ko hum pyaar kiya karte the,
Itefaqaat-e-zamana bhi ajab hain “nasir”,
Aaj woh dekh rahe hain jo suna karte the.
0Thake logon ko majboori mein chalte dekh leta hun,
main bas ki khidkiyon se ye tamaashe dekh leta hun.
Kabhi dil mein udaasi ho toh un mein ja nikalta hun,
puraane doston ko chup se baithe dekh leta hun.
Chhupaate hain bahut woh garmi-e-dil ko magar main bhi,
gul rukh par uddi rangat ke chheente dekh leta hun.
Khada hun yun kisi khaali qile ke sehan-e-veeran mein,
ki jaise main zameenon mein dafeene dekh leta hun.
Munir’ andaaza-e-qaar-e-fanaa karna ho jab mujh ko,
kisi oonchi jagah se jhuk ke neeche dekh leta hun. !!
0Hum kisi ko apne amaal ka hisaab kya dete ?
Sawaal saaray ghalat the jawaab kya dete ?
Kharab sadiyon ki be-khwabiyan theen aankhon main,
Ab in be-aant khalaaon main khwaab kya dete ?
Hawa ki tarha musafir thy dilbaron ke dil,
Unhain bus aik hi ghar ka azaab kya dete ?
Sharaab dil ki talab thi sharaab ke pehra main,
Hum itni tangi main us ko sharaab kya dete ?
Munir dasht shuroo se saraab-aasa tha,
Usss aainay ko tamanna ki aab kya dete ?
0Dil ajab mushkil mei hai ab asal raaste ki taraf,
Yaad peeche kheenchti hai aas aagey ki taraf,
Chorr kar nikle they jis ko dasht-e-ghurbat ki taraf,
Dekhna shaam-o-sehar ab ghar ke saaye ki taraf,
Hai abhi aghaaz din kaa is dayaar-e-qaid main,
Hai abhi se dheyaan sara shab ke pehre ki taraf,
Subh ki raushan kiran ghar ke dareechey pr parri,
Ek rukh chamkaa hava main us ke sheeshe ki taraf,
Dooriyon se pur-kashish hain manzilein dono Munir,
Main ravaan hoon khawb main na-paiyd qarye ki taraf..
0Apna to yeh kaam hai bhai dil ka khoon bahate rehna,
Jaag jaag kr in raaton mei sher ki aag jalaate rehna,
APne gharon se door banon mei phirte huye avaara logo,
Kabhi kabhi jab waqt mile to apne ghar bhi jaate rehna,
Raat ko dasht mai phool khile hain bhuuli-bisri yaadon ke,
Gham ki tez sharaab se un ke teekhe naqsh mitaate rehna,
Khushbuu ki deewar ke peechey kaise kaise rang jamme hain,
Jab tak din kaa suuraj aaye us ka khoj lagaate rehna,
Tum bhi Munir ab un galiyon se apne aap ko duur hi rakhna,
Achaa hai jhoote logon se apna aap bachaate rehna..
0Dil ka saffar bas ek hi manzil pe bas nahin,
Itnaa khayaal uss ka humen iss barass nahin,
Dekho gul-e-bahaar-e-assar dasht-e-shaam main,
Deewaar-o-dar koi bhi kahin pesh-o-pass nahin,
Aaya nahin yaqeen bohat dair tak humen,
Apne hi ghar ka dar hai ya baab-e-qaffas nahin,
Aisa safar hai jis ki koi intihaa nahin,
Aisaa makaan hai jis main koi hum-naffass nahin,
Aaye gi phir bahaar issi sheher main Munir,
Taqdeer iss nagar ki faqat khaar-o-khas nahin.
0Ik taizz teer tha ke lagaa aur nikal geya,
Maari jo cheekh rail ne jungle dehall geya,
Soyaa hua tha sheher kisi saamp ki tarah,
Main dekhta hi reh geya aur chaand ddhal geya,
Khawhish ki garmiyaan theen ajab un ke jism main,
Khuubaan ki sohbaton main mera khuun jjal geya,
Thi shaam zehr-e-rang main duubi hui kharri,
Phir ik zara si dair main manzar badal geya,
Muddat ke baad aaj ussey dekh kar Munir,
Ik baar dil to dharrka magar phir sambhal geya..
0Gham ki barish ne bhi tere naqsh ko dhoya nahin,
Tuu ne mujhe ko khho diya maine tujhe khoya nahin,
Neend ka halka gulaabi sa khumaar aankhon main tha,
Yuun laga jaise woh shab ko dair tak soyaa nahin,
Har taraf deewaar-o-dar aur un main aankhon ke hujoom,
Keh sake jo dil ki haalat woh lab-e-goyaa nahin,
Jurm aadam ne kiya aur nasl-e-aadam ko saza,
Kaat.taa hoon zindagi bhar main ne jo boyaa nahin,
Jaanta hoon ek aise shakss ko main bhi Munir,
Gham se pathar ho geya lekin kabhi royaa nahin..
0Ranj-e-firaaq-e-yaar main ruswaa nahin hua,
Itna main chup hua ke tamasha nahin hua,
Aesa safar hai jis main koi hamsafar nahin,
Rasta hai is tarah ka ke dekha nahin hua,
Mushkil hua hai rehna humen iss dayaar main,
Barson yahan rahe hain yeh apnaa nahin hua,
Woh kaam shah-e-sheher se ya shehr se hua,
Jo kaam bhi hua yahan acha nahin hua,
Milna tha aik bar usay phir kahin munir,
Aesa main chahta tha pr aesa nahin hua..
+1Ik aaalam-e-hijraan hi ab hum ko pasand aaya,
Yeh khaana-e-viraaan hi ab hum ko pasand aaya,
Benaaam-o-nishaan rehna ghurbat ke ilaaqe main,
Yeh sheher bhi dilkash tha tab hum ko pasand aaya,
Tha laal hua manzar suuraj ke nikalne se,
Woh waqt tha woh chehra jab hum ko pasand aaya,
Hai qataa-e-talluq se dil khush to bohat apna,
Ik hadh hi banaa lena kab hum ko pasand aaya,
Aana woh Munir uss ka be-khauf-o-khatar hum tak,
Yeh turfaa tamaasha bhi shab hum ko pasand aaya..
0Aaj Gum Sum Hai Jo Barbaad Jazeeron Jaisi,
Us Ki Aankhon Mein Chamak Thi Kabhi Heeron Jaisi,
Kitne Maghroor Pahaaron Ke Badan Chaak Huey,
Taiz Kirnon Ki Jo Baarish Hui Teeron Jaisi,
Jis Ki Yaadon Se Khayaalon Ke Khazaanay Dekhay,
Uski Soorat Bhi Lagi Aaj Faqeeron Jaisi,
Chahatain Lub Pe Machalti Hui Larki Ki Tarah,
Hasratain Aankh Mein Zindaan Ke Aseeron Jaisi,
Hum Anaa Mast, Tahi Dast Bohat Hain MOHSIN,
Ye Alag Baat Ke Aadat Hai Ameeron Jaisi.
0Nazar Ka Husan Bhi Husan-e-Butaan Se Kam To Na Tha,
Mera Yaqeen Bhi Tumhaare Gumaan Se Kam To Na Tha,
Mizaaj-e-Azmat-e-Adam Ki Baat Hai, Warna,
Zameen ka Zulm Tere Asmaan Se Kam To Na Tha,
Guzar Raha Tha Jahaan Se Main Sang Dil Ban Kar,
Woh Mor Sheesha Garon Ki Dukaan Se Kam To Na Tha,
Na Jaane Kiyoon Teri Aankhen Khamosh Thien, Warna,
Dil-e-Ghareeb Ka Naghmaa Faghaan Se Kam To Na Tha,
Rah-e-Januu Kay Nasheb-o-Faraaz Mein “Mohsin”,
Khird Ka Phool Bhi Sang-e-Giraan Se Kam To Na Tha.
0Goya Andaaz-e-Taazeem Hai Ameeron Jaisa,
Mere Ander Ka Hai Insaan Faqeeron Jaisa,
Ham Ne Chehray Pe Sajaa Rakhi Hai Sheher Ki Ronaq,
Dil Ka Aalam Hai Veeraan Jazeeron Jaisa,
Os Ke Ausaaf-o-Khasaail Ne Mujhe Jeet Lia,
Meray Mureedon Mein Tha Shakhs Wo Peeron Jaisa,
Is Se Pehlay Thi Aseeri Bhi Rehaayi Jaisi,
Ab Ke Aazaadi Mein Hai Haal Aseeron Jaisa,
Os Ko Ganwa Ke Hain Khasaaray Ab Tak “Mohsin”,
Wo Jo Ik Shakhs Mere Saath Tha Heeron Jaisa.
0Wohi Raaton Ki Bedaari Hai Ab Tak,
Tamanna Ka Safar Jaari Hai Ab Tak,
Khayal-e-Zabt Aur Tark-e-Talluq,
Yehi Pathar Bohat Bhari Hai Ab Tak,
Akeli Chandni Raaton Main Dil Ko,
Sulag Uthney Ki Beemari Hai Ab Tak,
Abhi Pichley Dinon Jo Ham Pe Guzri,
Usi Rut Ka Nasha Taari Hai Ab Tak,
Main Hijrat Kar Tou Loon Chaman Se “Mohsin”
Par Parindon Se Meri Yaari Hai Ab Tak.
0Zamane Bhar Ki Nigahon Me Jo Khuda Saa Lagey,
Wo Ajnabi Hai Magar Mujh Ko Aashna Sa Lagey,
Na Janey Kab Meri Dunya Mai Muskuraaye Ga,
Wo Aik Shakhs,,, Jo Khawabon Mai Bhi Khafaa Sa Lagey,
Ajab Cheez Hai Yaaron Ye Manzilon Ki Hawas,
Ke Raahzan Bhi Musafir Ko Raahnuma Sa Lagey,
Dil-e-Tabah! Tera Mashwara Hai Kya Ke Mujhe,
Wo Phool Rung Sitaara Bhi Bewafa Sa Lagey,
Hoi Hai Jis Se Munnawar,, Her Ek Aankh Ki Jheel,
Wo Chaand Aaj Bhi ,,Mohsin Ko Kam Numa Sa Lagey
0