Faiz Ahmed Faiz Shayari

Dil Mein Ab Yun Tere Bhooley

Dil mein ab yun tere bhooley howey gham ate hain
Jese bichre huye kaabey mein sanam ate hain

Ek ek kar ke huye jate hain diye tarey roshan
Meri manzil ki taraf tere kadam ate hain

Raqs-e-meh tez karo, Saaz ki leh tez karo
Suye meh-khana safeeran-e-haram ate hain

Kuch humain tou nahin ehsan uthaney ka dimagh
Woh tou jab ate hain mayel be-karam ate hain

Aur kuch der na guzrey shab-e-furkat se kaho
Dil bhi kam dukhta hai, woh yaad bhi kam ate hain

Picture: Dil Mein Ab Yun Tere Bhooley
Vote This Post DownVote This Post Up 0

Pindaar Ke Khogar Ko Nagaam Bhi Dekhoge

Pindaar Ke Khogar Ko Naqaam Bhi Dekhoge?
Aaghaaz Se Waaqif Ho Anjaam Bhi Dekhoge?

Rungini-o-Duniya Se Mayoos Sa Ho Jana……
Dukhta Howa Dil Le Kar Tanhaayi Mein Kho Jaana

Tarsi Howi Nazron Ko Hasrat Se Jhuka Lena
Faryaad Ke Tukron Ko Aahon Mein Chhupa Lena

Raaton Ki Khamooshi Mein Chhup Kar Kubhi Ro Lena
Majboor Jawaani Ke Malboos Ko Dho Lena

Jazbaat Ki Wusat Ko Sajdon Se Basaa Lena
Bhooli Howi Yaadon Ko Seenay Se Laga Lena.

Picture: Pindaar Ke Khogar Ko Nagaam Bhi Dekhoge
Vote This Post DownVote This Post Up 0

Raaz-E-Ulfat Chhupa Ke Dekh Lia

Raaz-e-Ulfat Chhupa Ke Dekh Lia
Dil Bohat Kuch Jalaa Ke Dekh Lia

Aur Kia Dekhnay Ko Baaki Hai ?
Aap Se Dil Lagaa Ke Dekh Lia

Wo Mere Ho Ke Bhi Mere Na Howay
Un Ko Apna Banaa Ke Dekh Lia

Aaj Unki Nazar Mein Kuch Ham Ne
Sab Ki Nazrain Bacha Ke Dekh Lia

“Faiz” Takmeel-e-Gham Bhi Na Ho Saki
Ishq Ko Aazmaa Ke Dekh Lia.

Picture: Raaz-E-Ulfat Chhupa Ke Dekh Lia
Vote This Post DownVote This Post Up 0