Nasir Kazmi Shayari

Kya Lage Raat Ke Phir Dil Mein Samaya Koi

Kya lage raat ke phir dil mein samaya koi,
Raat bhar phirta hai is sheher mein saya koi,

Fikr yeh thi ke shab e hijar kattey gi kyun kar,
Lutff yeh hai ke humain yaad na aaya koi,

Shauk yeh tha ke mohabbat mein chalein ge chup chap,
Ranj yeh hai ke tamasha na dikhaya koi,

Sheher mein humdum dereena bohat they nasir,
Waqt parney per mere kaam na aya koi.

Vote This Post DownVote This Post Up 0

Udaasion Ka Samaa Mehfilon Mein

Udaasion Ka Samaa Mehfilon Mein Chhor Gayi,
Bahaar Ik Khaash Si Dilon Mein Chhor Gayi,

Bichar Ke Tujh Se Hazaaron Taraf Gaya Khayaal,
Teri Nazar Mujhe Kin Manzilon Mein Chhor Gayi,

Kahan Se Laa’ye Ab Os Nigaah Ko Nasir ?
Jo Na-Tamaam Umangain Dilon Mein Chhor Gayi.

Picture: Udaasion Ka Samaa Mehfilon Mein
Vote This Post DownVote This Post Up 0

Tere Milne Ko Be-Kal Hogaye Hain

Tere Milne Ko Be-Kal Hogaye Hain,
Magar Ye Loog Paagal Hogaye Hain,

Bahaarain Le Ke Aaye Thay Jahaan Tum,
Wo Ghar Sunsaan Jangal Ho Gaye Hain,

Yahaan Tak Barh Gaye Aalaam-e-Hasti,
Ke Dil Ke Honslay Shal Ho Gaye Hain,

Unhain Sadyon Na Bhoolay Ga Zamaana,
Yahaan Jo Haadsay Kal Ho Gaye Hain,

Jinhain Hum Dekh Kar Jeetay Thay Nasir,
Wo Loog Aankhon Se Ojhal Ho Gaye Hain.

Picture: Tere Milne Ko Be-Kal Hogaye Hain
Vote This Post DownVote This Post Up 0

Yun Baitha Hun Dil Ke Daagh Se Khush

Yun Baitha Hun Dil Ke Daagh Se Khush,
Jaisay Bacha Charaagh Se Khush,

Jab Taaron Ki Shamain Jhilmilain,
Saaqi Ne Kia Ayaagh Se Khush,

Gham Chorh Gaya Jisay Jagaa Kar,
Wo Dil Na Howa Faraagh Se Khush,

Ab Naala-e-Dil Na Chairh Bulbul,
Ye Baagh Hai Shor-e-Zaagh Se Khush,

Ab Raas Hai Ka Kunj-e-Gham Hee “Nasir”,
Ab Dil Nahi Sair-e-Baagh Se Khush.

Vote This Post DownVote This Post Up 0

Teri Zulfon Ke Bikharne Ka Sabab Hai Koi

Teri Zulfon Ke Bikharne Ka Sabab Hai Koi,
Aankh Kehti Hai Tere Dil Mein Talab Hai Koi,

Aanch Aati Hai Tere Jism Ki Uryaani Se,
Pairhan Hai Ke Sulagti Howi Shab Hai Koi,

Hosh Uraanay Lageen Phir Chaand Ki Thandi Kirnain,
Teri Basti Mein Hun Ya Khwaab-e-Tarb Hai Koi,

Geet Banti Hai Tere Sheher Ki Bharpoor Hawa,
Ajnabi Mein Hee Nahi TU Bhee Ajab Hai Koi,

Lye Jaati Hain Kisi Dehaan Ki Lehrain “Nasir”,
Door Tak Silsila Taak-e-Tarb Hai Koi.

Picture: Teri Zulfon Ke Bikharne Ka Sabab Hai Koi
Vote This Post DownVote This Post Up 0