Ye kah kar mujhe mere dushman hansta chhod gaye,
Tere dost kaafi hain tujhe rulane ke liye.
Nakam thi meri sab koshishen usko manaane ki Faraz,
Pata nahin kahan se seekhi jaalim ne adaayen rooth jaane ki.
Us shaqs se wabasta khushfehami ka ye aalam hai Faraz,
Maut ki hichqi aai to main samjha ki usne yaad kiya.
Uski zafaaon ne mujhe ek tahzeeb sikha di hai Faraz,
Main rote hue so jaata hoon par shikwa nahin karta.
Use teri ibaadaton pe yakeen hai nahin Faraz,
Jis ki khushiyan tu rab se ro ro ke maangta hai.
Tu kisi aur ke liye hoga samandar-e-ishq Faraz,
Hum to roz tere sahil se pyase gujar jaate hai.
Jo kabhi har roz mila karte the Faraz,
Wo chehare to ab Khab-o-khyal ho gaye.
Kuch muhabbat ka nasha tha pehle hamko Faraz,
Dil jo tuta to nashe se muhabbat ho gayi.
Samandar mein fana hona to kismat ki kahani hai Faraz,
Jo marte hain kinaron pe mujhe dukh un pe hota hain.
Mujhko maloom nahin husn ki taarif Faraz,
Meri nazaron mein haseen wo hai jo tujh jaisa ho.
