Justaju Jis Ki Thi Us Ko To Na


Justaju Jis Ki Thi Us Ko To Na Paayaa Ham Ne,
Is Bahaane Se Magar Dekh Li Duniyaa Ham Ne,

Tujh Ko Rusavaa Na Kiyaa Khud Bhi Pashemaan Na Huye,
Ishq Ki Rasm Ko Is Tarah Nibhaayaa Ham Ne,

Kab Mili Thi Kahaan Bichhadi Thi Hamein Yaad Nahin,
Zindagi Tujh Ko To Bas Khvaab Mein Dekhaa Ham Ne,

Ai ‘Ada’ Aur Sunaaye Bhi To Kyaa Haal Apanaa,
Umr Kaa Lambaa Safar Tay Kiyaa Tanhaa Ham Ne.

Leave a comment