Ye Dil Kabhi Na Muhabbat Mein


Ye dil kabhi na muhabbat mein kamayab hua,
mujhe kharab kiya, aap bhi kharab hua,
ajal men, zist mein turabat men, hashr mein zalim,
tere sitam ke liye main hi intakhab hua,
nigah-e-mast ko saqi ke kon de ilzam,
mera nasib ki rusava mera shabab hua,
hamare ishq ke das-bis ne bhi dad na di,
kisi ka husn zamane mein intakhab hua,
fana ka dawa hazaron ko tha zamane mein,
habab ne mujhe dekha to aab-ab hua.

Leave a comment