Shayari On Eid

Jab Chahein Hum Eid Mana Le

Jab chahein hum EID mana le,
Chaand hamara apna hai.

Namaaz Parh Ke Tere Gham

Namaaz Parh Ke Tere Gham Galay Laga Loon Ga,
Akailay Eid Manaana Meri Sarshat Nahi.

Sahib-E-Aqal Hain Aap Ik Masla

Sahib-e-aqal hain aap ik masla tu hal kijiye,
Rukh-e-yaar nahi dekha kya meri eid ho gayi.

Kitni Mushkilon Se Falak Par Nazar Ata Hai

kitni Mushkilon Se Falak per Nazar Ata hai,
Eid ke Chand Ka Andaaz Tumhare Jesa Hai..

Eid Ke Roz Bhi Taqdeer Se Majboor The Hum

Eid ke roz bhi taqdeer se majboor the hum,
Ro parre mil ke gale aap ki tasveer se hum.

Chand Ho Eid Ka To Naaz Niraaley Hain

Chand ho eid ka to naaz niraaley hain,
Dekho is ke sabhi andaaz tumhare wale hain..

Maine Yoon Teri Yaadein Sambhaali Hain

Maine yoon teri yaadein sambhaali hain,
Jaise eidi ho mere masoom bachpan ki.

Kash Iss Eid Ka Haseen Lamho Mein

Kash iss eid ke haseen lamhon mein,
Meri zaat-e-gumshuda tujhe yaad aye.

Eid Ka Rang Chehre Se Chupaaon Kaise

Eid ka rang chehre se chupaaon kaise,
Tu meri rooh main dhoondne jaon kaise,

Mera har din teri chahat mein eid ka din,
Main sirf aik hi din mehndi lagaaon kaise..

Eid Pe Milne Ka Vaada Tha Jis Ka

Eid pe milne ka vaada tha jis ka,
chaand ka hamrah us ka rasta dekhoon gi,

Koi to aesi bhi eid aa jaye gi,
Ujrre dil ko mein bhi basta dekhoon gi.