Glance through our Shayari Section and find the perfect Shayari to share on your social media account or to dedicate it to your near and dear ones. We have a wide range of heart touching Shayaris that are true to one’s feelings or emotions.
Teri Baargaah Mein Ai Khuda, Jyun Hi Sar Ko Main Ne Jukha Diya,
Usi Waqt Teri Khudai Ne, Mujhe Pastiyon Se Uthaa Diya,
Main Zaleel Tha Main Haqeer Tha, Tere Dar Ka Ek Faqeer Tha,
Tu Ne Ek Hi Sajde Mein, Mujhe Kya Se Kya Banaa Diya,
Rag-E-Jaan Se Bhi Tu Qareeb Hai,Tu Hi Likhta Sab Ke Naseeb Hai,
Jise Chaaha Pal Mein Utha Diya, Jise Chaaha Pal Mein Giraa Diya
0Ai Khuda Ret Ke Sehra Ko Samandar Kar De
Ya Chhalakti Huwi Aankhon Ko Bhi Paththar Kar De
Tum Ko Dekha Nahin Mehsoos Kiya Hai Main Ne
Aa Kisi Din Mere Ehsaas Ko Yaqeen Kar De
+2Ai Khuda, Ai Khuda, Tere Bande Hain Hum,
Hum Gunah-Gaar Hain, Hum Siyah-Kaar Hain
Rang-O-Khushbu Diye, Maah-E-Jugnu Diye,
Khwahishon Ke Humein, Chanchal Aahu Diye,
Jo Na Tooten Kabhi, Aise Jaadu Diye
Khetiyan Sabz Keen, Kar Ke Dharti Ko Nam,
Ai Khuda Ai Khuda Tere Bande Hain Hum
+1Kaun Ai But Hai Tu Khuda Jaane
Kufr Kya Shai Hai Koi Kya Jaane
Dil Ko Poochha Jo Main Ne Woh Bole
Kahin Hogaa Meri Balaa Jaane
Ek Hi Hain Khuda Wa But Zaahid
Wohi Mushtarak Hai Jo Khuda Jaane
Ishq Hai Khoob Shughl Samjhe Ham
Koi Uss Ko Na Jaane Yaa Jaane
+1Dhoondne Se To Bashar Ko Khuda Bhi Milta Hai
Khuda Agar Dhoonde To Insaan Kahaan Milta Hai
+1Zameen Bhi Teri Hai, Maalik Gulam Bhi Tere Hain
Kabhi Too Mere Khuda, Apne Aasmaan Se Nikal
+1Duniya Se Dil Lagakar Duniya Se Kya Mile Ga ,
Yaad-E-Khuda Kiye Ja Tujh Ko Khuda Mile Ga ,
Daulat Ho Ya Hukoomat Taqat Ho Ya Jawani,
Har Cheez Mitne Wali Har Cheez Aani-Jaani,
0Bananaa Padaa Hai Aap Hi Apnaa Khuda Mujhe
Kis Kufr Ki Mili Hai Bhala Ye Sazaa Mujhe
0Tu Sab Se Aa’laa,Tu Sab Se Bartar
Azmat Jo Hai Woh Tere Liye Hai
Shaukat Jo Hai Woh Tere Liye Hai
Allah-O-Akbar , Allah-O-Akbar
0Hum Mutmain Hain Us Ki Razaa-Ke Baghair-Bhi,
Har-Kaam Chal Rahaa Hai, Khuda-Ke Baghair-Bhi
0Hum Se Tu Is Qadar Khafa Kya Hai
Tu Sanam Hai Ke Hai Khuda Kya Hai
Hum Khade Hain Jhukaaye Sar Kab Se
Tegh Utha Tegh Dekhta Kya Hai
0Milaaye Hum Se Jo Aisi Nazar Nahin Koi
Hamaari Tarah Ka Rakhta Jigar Nahin Koi
Khuda Gavaah Ke Apna To Ghar Nahin Koi
Dayaar-E-Ghair Mein Mehram Agar Nahin Koi
To ‘Faiz’ Zikr-E-Vatan Apne Ru-Ba-Ru Hi Sahi
0Main Khuda Ka Kabhi Bhi Na Shukar Ada Kar Paoon Ga
Par Usse Kitna Chahta Hoon Ye Duniya Ko Dikhaoon Ga
Log To Pyaar Ke Naam Ko Aise Badnaam Kar Dete Hein
Main Pyar Ke Iss Paak Naam Ko Ik Naya Naam De Jaoon Ga
0Nahin Milte Na Miliye Khair Koi Mar Na Jaaye Ga
Khuda Ka Shukr Hai Pahle Mohabbat Apne Kaam Ki
0Barson Se Tere Naam Pe Khaata Raha Fareb
Mere Khuda Kahan Hai Tu Apna Pata To De
0Main Aap Apni Talaash Mein Hoon
Mera Koi Rahnuma Nahin Hai
Woh Kya Dikhayen Ge Raah Mujh Ko
Jinhen Khud Apna Pataa Nahin Hai
Ye In Ke Mandir, Ye In Ki Masjid
Ye Zar-Paraston Ki Sajda-Gaahen
Agar Ye Inke Khuda Ka Ghar Hai
To In Mein Mera Khuda Nahin Hai
-1Is Saadgi Ko Kaun Na Apnaaye Ai Khuda!
Dil Haath Bhi Uthaata Nahin Aur Dua Buland
+3Jab Makaan-O-Laa-Makaan Sab Se Guzar Jaataa Hoon Main
Allah-Allah Tujh Ko Khud Apni Jagah Paataa Hoon Main
0
