Kis Kis Tarah Se Mujhko Na

---

Kis Kis Tarah Se Mujhko Na Rusvaa Kiyaa Gayaa,
Gairon Kaa Naam Mere Lahu Se Likhaa Gayaa,

Nikalaa Thaa Main Sadaa-E-Jaras Ki Talaash Mein,
Bhule Se Is Sukut Ke Seharaa Mein Aa Gayaa,

Kyon Aaj Us Kaa Zikr Mujhe Khush Na Kar Sakaa,
Kyon Aaj Us Kaa Naam Meraa Dil Dukhaa Gayaa,

Is Haadase Ko Sun Ke Karegaa Yaqin Koi,
Suraj Ko Ek Jhonkaa Havaa Kaa Bujhaa Gayaa.