Shamm-E-Mazaar Thi Na Koi Sogwaar Tha
Shamm-e-mazaar thi na koi sogwaar tha,
tum jis pe ro rahe the woh kis ka mazaar tha.
Tadpunga umar bhar dil-e-marhoom ke liye,
kambakht na-muraad ladkpan ka yaar tha.
Jaadu hai ya tilism tumhari zubaan main,
tum jhooth keh rahe the mujhe aitbaar tha.
Kya kya humaare sajde ki ruswaaiyaan hui,
naqsh-e-qadam kisi ka sare rahguzaar tha. !!
![](https://www.desicomments.com/shayari/wp-content/uploads/2017/02/Shamm-E-Mazaar-Thi-Na-Koi-Sogwaar-Tha-600x400.jpg)