Mohsin Naqvi Shayari - Page 2

Dekhi Hai Berukhi Ki Aj Humne

Dekhi hai berukhi ki aj humne inteha Mohsin,
Hum pe nazar pari to “wo mehfil se uth gaye.

dekhi-hai-berukhi-ki-aj-hum-ne

Aaj Phir Chand Ufaq Par Nahin

Aaj phir chand ufaq par nahin ubhra mohsin,
Aaj phir raat na guzrey gi suhaani apni.

Muun Chupaaye Huye Guzra Hai

Muun chupaaye huye guzra hai idhar se jo woh aaj,
Us ki aankhon mein koi zakham neya lagtaa hai.

Saltanat Dil Mein Hi Nahi Uski

Saltanat Dil Mein Hi Nahi Uski,
Aasmaan Tak Hai Sar-Zameen Uski,

Phir Paharon Pe Barf Pighli Hai,
Phir Damaknay Lagi Jabeen Uski,

Dehaan Rakhna Har Ik Aahat Per,
Shaayad Ubhray Sadaa Kaheen Uski,

Ab Bhi Roshan Hai Zindagi Usse,
Ab Bhi Soorat Hai Dil-Nasheen Uski,

Hijr Ki Rut Azaab Hai Mohsin,
Aadatain Sab Badal Gayin Uski.

Aaine Par Kabhi Kitaab Mein Hain

Aaine Par Kabhi Kitaab Mein Hain,
Oski Aankhain Ajeeb Azaab Mein Hain,

Thaktay Phirtay Hain Dhoop Mein Bachay !
Titliaan Saaya-e-Gulaab Mein Hain,

Ek Kachay Gharay Ki Jurrat Per,
Kitni Tugyaaniaan Chanaab Mein Hain,

Wo Abhi Tak Hai Ru-Baruu Apnay,
Hum Abhi Tak Hisaar-e-Khwaab Mein Hain…!

Oski Aadat Hai Roothna Mohsin,
Loog Be-Waja Iztaraab Mein Hain.

Is Zindagi Mein Itni Faraghat

Is zindagi mein itni faraghat kisey naseeb,
Itna na yaad aa ke tujhe bhool jayen hum..

Rait Par Likh Kar Mera Naam Mitaya

Rait Par Likh Kar Mera Naam Mitaya Na Karo,
Aankhen Sach Bolti Hain Piyar Chupaya Na Karo,

Log Har Baat Ka Afsaana Banaa Lete Hain,
Sab Ko Rudaad-e-Gham-e-Ishq Sunaaya Na Karo,

Yeh Zaroori Nahi Har SHaks Maseeha Hi Ho,
Piyar Kay Zakhm Amaanat Hain Dikhaya Na Karo,

Shaher-e-Ehsaas Mein Pathraao Boht Hai “Mohsin”,
Dil Ko Sheeshe Kay Jharokon Mein Sajaaya Na Karo.

Fasl-E-Khirad Hai Rung-E-Chaman

Fasl-e-Khirad Hai Rung-e-Chaman Dekhte Chalo,
Phir Ehtmaam-e-Daar-O-Rasan Dekhtay Chalo,

Dilchasp Waqea Hai Ke Sehra Ki Dhoop Mein,
Zarro’n Ka Jal Raha Hai Badan Dekhte Chalo,

Tanqeed Mat Karo Ke Zamana Kharab Hai,
Chup Chaap Dosto’n Ka Chalan Dekhte Chalo,

“Mohsin” Shab-e-Siyaah Bhi Orhay Huay Hain Aaj,
Shaffaaf Chandni Ka Kafan Dekhte Chalo.

Shayad Mera Wajood Hi Suraj Tha

Shayad mera wajood hi suraj tha sheher mein,
Main bujh geya to kitne gharon mein chiraag jaley..

Gum Sum Si Raahguzar Thi

Gum’sum si raahguzar thi, kinara nadi ka tha,
Paani main chaand, chaand main chehra kisi ka tha.