Mirza Ghalib Shayari - Page 6

Tu Dost Kisi Ka Bhi

Tu Dost Kisi Ka Bhi Sitamgar Na Hua Tha;
Auron Pe Hai Woh Zulm Ki Mujh Par Na Hua Tha;
Chhoda Mah-e-Nakhshab Kee Tarah Dast-e-Qaza Ne;
Khurshid Hanuz Us Ke Barabar Na Hua Tha!

Koi Mere Dil Se Pooche

Koi Mere Dil Se Pooche Tere Teer-e-Nim Kash Ko;
Yeh Khalish Kahan Se Hoti Jo Jigar Ke Paar Hota!

Yeh Kahan Ki Dosti Hai

Yeh Kahan Ki Dosti Hai Ki Bane Hain Dost Naasih;
Koi Chaarasaaz Hota Koi Ghamgusar Hota;
Rang-e-Sang Se Tapkta Woh Lahu Ki Phir Na Thamta;
Jise Gham Samajh Rahe Ho Yeh Agar Sharaar Hota!

Kahun Kis Se Main Ki Kya Hai

Kahun Kis Se Main Ki Kya Hai, Shab-e-Gham Buri Bala Hai;
Mujhe Kya Bura Tha Marna Agar Ek Baar Hota;
Hue Mar Ke Jo Hum Ruswa, Hue Kyon Na Gharq-e-Dariya;
Na Kabhi Janaza Uthta Na Kahin Mazaar Hota!

Dil-E-Nadaan Tujhe Hua Kya Hai

Dil-e-Nadaan Tujhe Hua Kya Hai;
Aakhir Is Dard Kee Dawa Kya Hai;
Hum Hain Mushtaaq Aur Wo Bezaar;
Ya Ilaahi Yeh Maajra Kya Hai!

Hum Ko Unse Hai Wafa Ki Umeed

Hum Ko Unse Hai Wafa Ki Umeed;
Jo Nahi Jaante Wafa Kya Hai;
Haan Bhala Kar Tera Bhala Hoga;
Aur Darvesh Kee Sada Kya Hai!

Jaan Tum Par Nisaar Karta Hun

Jaan Tum Par Nisaar Karta Hun;
Main Nahi Jaanta Dua Kya Hai;
Maine Maana Ki Kuch Nahi Ghalib;
Muft Haath Aaye To Bura Kya Hai!

Zulmat Kade Mein Mere

Zulmat Kade Mein Mere Shab-e-Gham Ka Josh Hai;
Ek Shamma Hai Daleel-e-Sahar So Khamosh Hai;
Na Muzhda-e-Visaal Na Nazara-e-Jamal;
Muddat Hui Ki Aashti-e-Chashm-o-Ghosh Hai!

Zikar Us Parivash Ka

Zikar Us Parivash Ka Aur Bayaan Apna;
Ban Geya Raqeeb Aakhir Tha Jo Raazdaan Apna;
Mai Woh Kyon Bahut Peete Bazm-e-Ghair Mein Ya Rab;
Aaj Hi Hua Manzoor Unko Imtihaan Apna!

Manzar Ik Bulandi Par

Manzar Ik Bulandi Par Aur Hum Bana Sake;
Arsh Se Idhar Hota Kaash Ki Makaan Apna;
De Woh Jis Kadar Zillat Hum Hansi Mein Taalenge;
Baare Aashna Nikla Unka Paasban Apna!