Junoon Main Shauq Ki Gehraiyon


Junoon Main Shauq Ki Gehraiyon Se Darta Raha,
Main Apni ZaaT Ki Sachaiyon Se Darta Raha,

Mohabton Se Shanasa Huwa Main Jis Din Se,
Phir Us K Baad Shanasaiyon Se Darta Raha,

Wo Chahta Tha K Tanha Miloon To Baat Kre,
Main Kya Krun K Main Tanhaiyon Se Darta Raha,

Mein Regzaar Tha Mujh Main Basay Thay Sanaatay,
Isi Liye To Main Shehnaiyon Se Darta Raha,

Main Apne Baap Ka Yousuf Tha is Liye Mohsin,
Sakoon Se, So Na Saka Bhaiyon Se Darta Raha…!!

Leave a comment