Qateel Shifai Shayari - Page 3

Kabhi Na Socha Tha Hamne

Kabhi na socha tha hamne “Qateel” us ke liye,
Karega ham pe sitam wo bhi har kisi ki tarah.

Yaaro Ye Daur Jauf-E-Basaarat

Yaaro ye daur jauf-e-basaarat ka daur hai
Aandhi uthe to usko ghata kah liya karo

Wada Phir Wada Hai Main Zahar Bhi

Wada phir wada hai main zahar bhi pee jaaun “Qateel”,
Shart ye hai koi baahon mein sambhale mujhko.

Shama Jis Aag Se Jalti Hai

Shama jis aag se jalti hai numaaish ke liye,
Ham usi aag mein gum-naam se jal jaate hain.

Main Ghar Se Teri Tamnna

Main ghar se teri tamnna pehan ke jab Nikalun,
Barhana shehar mein koi nazar na aayr mujhe.

Kya Maslahat-Shanaas Tha Wo

Kya maslahat-shanaas tha wo aadami Qateel,
Majbooriyon ka jisne wafa naam rakh diya.

Khud Ko Main Baant Na Daalun Kahin

Khud ko main baant na daalun kahin daaman-daaman,
Kar diya tune agar mere hawaale mujhko.

Ik-Ik Pathar Jod Ke Maine Jo Deewar

Ik-ik pathar jod ke maine jo deewar banaai hai,
Jhankhu us ke peeche to ruswaai hi ruswaai hai.

Acha Yakeen Nahin Hai

Acha yakeen nahin hai to kashti duba ke dekh,
Ik tu hi nakhuda nahin jaalim khuda bhi hai.

Yun Taslli De Rahe Hain Ham

Yun taslli de rahe hain ham dil-e-beemar ko,
Jis tarah thaame koi girti hui deewar ko.