Munir Niazi Shayari - Page 2

Dil Ka Saffar Bas Ek Hi Manzil

Dil ka saffar bas ek hi manzil pe bas nahin,
Itnaa khayaal uss ka humen iss barass nahin,

Dekho gul-e-bahaar-e-assar dasht-e-shaam main,
Deewaar-o-dar koi bhi kahin pesh-o-pass nahin,

Aaya nahin yaqeen bohat dair tak humen,
Apne hi ghar ka dar hai ya baab-e-qaffas nahin,

Aisa safar hai jis ki koi intihaa nahin,
Aisaa makaan hai jis main koi hum-naffass nahin,

Aaye gi phir bahaar issi sheher main Munir,
Taqdeer iss nagar ki faqat khaar-o-khas nahin.

Picture: Dil Ka Saffar Bas Ek Hi Manzil
Vote This Post DownVote This Post Up 0

Ik Taizz Teer Tha Ke Lagaa Aur Nikal Geya

Ik taizz teer tha ke lagaa aur nikal geya,
Maari jo cheekh rail ne jungle dehall geya,

Soyaa hua tha sheher kisi saamp ki tarah,
Main dekhta hi reh geya aur chaand ddhal geya,

Khawhish ki garmiyaan theen ajab un ke jism main,
Khuubaan ki sohbaton main mera khuun jjal geya,

Thi shaam zehr-e-rang main duubi hui kharri,
Phir ik zara si dair main manzar badal geya,

Muddat ke baad aaj ussey dekh kar Munir,
Ik baar dil to dharrka magar phir sambhal geya..

Picture: Ik Taizz Teer Tha Ke Lagaa Aur Nikal Geya
Vote This Post DownVote This Post Up 0

Gham Ki Barish Ne Bhi Tere Naqsh

Gham ki barish ne bhi tere naqsh ko dhoya nahin,
Tuu ne mujhe ko khho diya maine tujhe khoya nahin,

Neend ka halka gulaabi sa khumaar aankhon main tha,
Yuun laga jaise woh shab ko dair tak soyaa nahin,

Har taraf deewaar-o-dar aur un main aankhon ke hujoom,
Keh sake jo dil ki haalat woh lab-e-goyaa nahin,

Jurm aadam ne kiya aur nasl-e-aadam ko saza,
Kaat.taa hoon zindagi bhar main ne jo boyaa nahin,

Jaanta hoon ek aise shakss ko main bhi Munir,
Gham se pathar ho geya lekin kabhi royaa nahin..

Picture: Gham Ki Barish Ne Bhi Tere Naqsh
Vote This Post DownVote This Post Up 0

Ranj-E-Firaaq-E-Yaar Main Ruswaa

Ranj-e-firaaq-e-yaar main ruswaa nahin hua,
Itna main chup hua ke tamasha nahin hua,

Aesa safar hai jis main koi hamsafar nahin,
Rasta hai is tarah ka ke dekha nahin hua,

Mushkil hua hai rehna humen iss dayaar main,
Barson yahan rahe hain yeh apnaa nahin hua,

Woh kaam shah-e-sheher se ya shehr se hua,
Jo kaam bhi hua yahan acha nahin hua,

Milna tha aik bar usay phir kahin munir,
Aesa main chahta tha pr aesa nahin hua..

Picture: Ranj-E-Firaaq-E-Yaar Main Ruswaa
Vote This Post DownVote This Post Up +1

Ik Aalam-E-Hijraan Hi Ab Humko

Ik aaalam-e-hijraan hi ab hum ko pasand aaya,
Yeh khaana-e-viraaan hi ab hum ko pasand aaya,

Benaaam-o-nishaan rehna ghurbat ke ilaaqe main,
Yeh sheher bhi dilkash tha tab hum ko pasand aaya,

Tha laal hua manzar suuraj ke nikalne se,
Woh waqt tha woh chehra jab hum ko pasand aaya,

Hai qataa-e-talluq se dil khush to bohat apna,
Ik hadh hi banaa lena kab hum ko pasand aaya,

Aana woh Munir uss ka be-khauf-o-khatar hum tak,
Yeh turfaa tamaasha bhi shab hum ko pasand aaya..

Picture: Ik Aalam-E-Hijraan Hi Ab Humko
Vote This Post DownVote This Post Up 0