Mohammad Ibrahim Zauq Shayari - Page 2

Laai Hayaat Aaye Kazaa Le Chali Chale

Laai Hayaat Aaye Kazaa Le Chali Chale
Na Apani Khushi Aaye Na Apani Khushi Chale

Behatar To Hai Yahi Ke Na Duniyaa Se Dil Lage
Par Kyaa Karen Jo Kaam Na Bedillagi Chale

Ho Umr-E-Khizr Bhi To Kahenge Bavaqt-E-Marg
Ham Kyaa Rahe Yahaan Abhi Aaye Abhi Chale

Duniyaa Ne Kis Ka Raah-E-Fanaa Mein Diyaa Hai Saath
Tum Bhi Chale Chalo Yun Hi Jab Tak Chali Chale

Naazaan Na Ho Khirad Pe Jo Honaa Hai Vo Hi Ho
Daanish Teri Na Kuchh Meri Daanishvari Chale

Kam Honge Is Bisaat Pe Ham Jaise Badqimaar
Jo Chaal Ham Chale Vo Nihaayat Buri Chale

Jaa Ki Havaa-E-Shauq Mein Hain Is Chaman Se Zauq
Apani Balaa Se Baad-E-Sabaa Kahin Chale

Picture: Laai Hayaat Aaye Kazaa Le Chali Chale
Vote This Post DownVote This Post Up 0

Marate Hain Tere Pyaar Se Ham Aur Ziyaadaa

Marate Hain Tere Pyaar Se Ham Aur Ziyaadaa
Tu Lutf Mein Karataa Hai Sitam Aur Ziyaadaa

Den Kyon Ki Na Vo Daag-E-Alam Aur Ziyaadaa
Qimat Mein Badhe Dil Ke Diram Aur Ziyaadaa

Kyaa Hovegaa Do-Chaar Qadah Se Mujhe Saaqi
Main Lungaa Tere Sar Ki Qasam Aur Ziyaadaa

Vo Dil Ko Churaakar Jo Lage Aankh Churaane
Yaaron Kaa Gayaa Un Pe Bharam Aur Ziyaadaa

Kyon Main Ne Kahaa Tujh Saa Khudaa_i Mein Nahin Aur
Magarur Huaa Ab Vo Sanam Aur Ziyaadaa

Lete Hain Samar Shaakh-E-Samaravar Ko Jhukaakar
Jhukate Hain Sakhi Vaqt-E-Karam Aur Ziyaadaa

Jo Kunj-E-Qana’at Mein Hain Taqadir Pe Shaakir
Hai “Zauq” Baraabar Unhen Kam Aur Ziyaadaa

Picture: Marate Hain Tere Pyaar Se Ham Aur Ziyaadaa
Vote This Post DownVote This Post Up 0

Phir Ataa Liye Chaman Mein

phirataa liye chaman mein hai diivaanaapan mujhe
zanjiir-e-paa hai mauj-e-nasiim-e-chaman mujhe

huu.N shamaa yaa ki sholaa Khabar kuchh nahii.n magar
fanuus ho rahaa hai meraa pairaahan mujhe

kuuche me.n terii kaun thaa letaa bhalaa Khabar
shab chaa.Ndanii ne aake pahanaayaa kafan mujhe

dikhalaataa ik adaa me.n hai sau-sau tarah banaav
kis saadaapan ke saath, teraa baa.Nkapan mujhe

aayaa huu.N nuur leke mai.n bazm-e-suKhan me.n ‘Zauq’
aa.Nkho.n pe sab biThaaye.Nge ahal-e-suKhan mujhe

Picture: Phir Ataa Liye Chaman Mein
Vote This Post DownVote This Post Up 0

Na Karataa Zabt Mai Na Naalaa

na karataa zabt mai na naalaa to phir aisaa dhuua.N uThataa
ki niiche aasmaa.N ke aur nayaa ik aasmaa.N hotaa

jo rotaa khol kar jii ta.nganaa-e-dahar me.n aashiq
to juu-e-kahakashaa.N me.n bhii falak par Khuu.N ravaa.N hotaa

baguulaa gar na hotaa vaadii-e-vahashat me.n ai majanuu.N
to gumbad hamase saragashto.n kii tubat par kahaa.N hotaa

na karataa zabt mai.n giriyaa to ai “Zauq” ik gha.Dii bhar me.n
kaTore kii tarah gha.Diyaal ke Garq aasmaa.N hotaa

Picture: Na Karataa Zabt Mai Na Naalaa
Vote This Post DownVote This Post Up 0

Hai Tera Kaan Zulf-E-Muimbar Lagi

hai tere kaan zulf-e-muimbar lagi hu_iirakkhegii ye nabaal baraabar lagii hu_ii

baiThe bhare hue hai.n Khum-e-mai kii tarah ham
par kyaa kare.n ke muhar hai muu.Nh par lagii hu_ii

mayyat ko Gusal diijo na Khaak_saar kii
hai tan pe Khaak-e-kuchaa-e-dil_bar lagii hu_ii

nikale hai kab kisii se bhii us kii mizhaa kii nok
hai phaa.Ns sii kaleje ke andar lagii hu_ii

ai ‘Zauq’ dekh duKhtar-e-raz ko na muu.Nh lagaa
chhuTatii nahii.n hai muu.Nh se ye kaafir lagii hu_ii

Picture: Hai Tera Kaan Zulf-E-Muimbar Lagi
Vote This Post DownVote This Post Up 0

Dariyaa-E-Ashk Chashm Se Jis

dariyaa-e-ashk chashm se jis aan bah gayaa
sun liijiyo ke arsh kaa aivaan bah gayaa

zaahid sharaab piine se kaafir huaa mai.n kyuu.N
kyaa De.Dh chulluu paanii me.n imaan bah gayaa

yuu.N roye phuuT phuuT ke paa.Nvo.n ke aabale
naalaa saa ek suu-e-biyaabaan bah gayaa

kashtii savaar-e-umr huu.N bahr-e-fanaa me.n mai.n
jis dam bahaa ke le gayaa tuufaan bah gayaa

thaa ‘Zauq’ pahale dillii me.n panjaab kaa saa husn
par ab vo paanii kahate hai.n multaan bah gayaa

Picture: Dariyaa-E-Ashk Chashm Se Jis
Vote This Post DownVote This Post Up 0