Bekhud Dehlvi Shayari - Page 2

Dard-E-Dil Mein Kami Na Ho Jaaye

Dard-e dil mein kami na ho jaaye,
dosti dushmani na ho jaaye.

Tum meri dosti ka dum na bharo,
aasmaan muddai na ho jaaye.

Baithta hun humesha rindon mein,
kahin zaahid wali na ho jaaye.

Apne khu-e-wafa se darta hun,
aashiqi bandagi na ho jaaye. !!

OLYMPUS DIGITAL CAMERA

Ho Liye Jiske Ho Liye Bekhud

Ho liye jiske ho liye ‘Bekhud’,
Yaar apna to ye hisaab raha.

Ye Dil Kabhi Na Muhabbat Mein

Ye dil kabhi na muhabbat mein kamayab hua,
mujhe kharab kiya, aap bhi kharab hua,
ajal men, zist mein turabat men, hashr mein zalim,
tere sitam ke liye main hi intakhab hua,
nigah-e-mast ko saqi ke kon de ilzam,
mera nasib ki rusava mera shabab hua,
hamare ishq ke das-bis ne bhi dad na di,
kisi ka husn zamane mein intakhab hua,
fana ka dawa hazaron ko tha zamane mein,
habab ne mujhe dekha to aab-ab hua.

Shamm-E-Mazaar Thi Na Koi Sogwaar Tha

Shamm-e-mazaar thi na koi sogwaar tha,
tum jis pe ro rahe the woh kis ka mazaar tha.

Tadpunga umar bhar dil-e-marhoom ke liye,
kambakht na-muraad ladkpan ka yaar tha.

Jaadu hai ya tilism tumhari zubaan main,
tum jhooth keh rahe the mujhe aitbaar tha.

Kya kya humaare sajde ki ruswaaiyaan hui,
naqsh-e-qadam kisi ka sare rahguzaar tha. !!

Dee Kasam Wasl Mein Us

Dee kasam wasl mein us but ko khuda ki to kaha,
Tujh ko aata hai khuda yaad hamare hote.