Sab Ke Dil Mein Hal Jagah Teri, Jo Tu Raazi Hua,
Mujh Pe Goya Ik Zamaana Meharbaan Ho Jaaye Ga
Tha Woh To Rashk-E-Hoor-E-Bahishti Hameen Mein ‘Meer’,
Samjhe Na Hum To Fahm Ka Apni Qasoor Tha
Na Tha To Khuda Tha, Na Hota To Khuda Hota,
Duboya Mujh Ko Hone Ne, Main Na Hota To Kya Hota
Museebat Jis Se Zaail Ho, Woh Saamaan Kar Dega,
Na Ghabrana, Khuda Sab Mushkilen Aasaan Kar Dega
Kishti E Dil Ki Ilaahi, Bahr E Hasti Mein Ho Khair,
Na Khuda Milte Hain, Lekin Ba-Khuda Milta Nahin
Har Zarra Chamakta Hai Anwaar-E-Ilahi Se,
Har Saans Yeh Kahti Hai, Hum Hain To Khuda Bhi Hai
Khuda Jaane Kahan Hai Asghar-E-Diwaana Barson Se,
Ki Us Ko Dhoondhte Hain Kaaba-O-But-Khana Barson Se
Dil Ko Kya Ho Gaya Khuda Jaane
Kyon Hai Aisaa Udaas Kyaa Jaane
Kah Diyaa Main Ne Haal-E-Dil Apna
Is Ko Tum Jaano Yaa Khuda Jaane
Khuda Hum Ko Aisi Khudai Na De
Ki Apne Siwa Kuchh Dikhaai Na De
Khuda Aise Irfaan Kaa Naam Hai
Rahe Saamane Aur Dikhaai Na De
