Urdu poetry ahmad faraz (3)

[sandhugurdaspuria]

ye tabiyat hai to Khud aazaar ban jaayenge ham
chaaraagar royenge aur GamKhvaar ban jaayenge ham

ham sar-e-chaak-e-vafaa hain aur tera dast-e-hunar
jo banaa degaa hamein ai yaar ban jaayenge ham

kya Khabar thi ai nigaar-e-sher tere ishq mein
dilbaraan-e-shahar ke dildaar ban jaayenge ham

saKht jaan hain par hamaari ustavaari par na ja
aise tootenge tera iqaraar ban jaayenge ham

aur kuch din baithane do koo-e-jaanaan mein hamein
raftaa raftaa saayaa-e-diivaar ban jaayenge ham

is qadar aasaan na hogi har kisi se dosti
aashnaai mein tera mayaar ban jaayenge ham

miir-o-Gaalib kya ke ban paaye nahin faiz-o-firaaq
zam ye tha roomi-o-ataar ban jaayenge ham

dekhane mein shaaKh-e-gul lagte hain lekin dekhana
dast-e-gulchin ke liye talvaar ban jaayenge ham

ham chiraagon ko to taariki se ladnaa hai 'Faraz'
gul hue par subah ke aasaar ban jaayenge ham

[pam kaur]

bhut khub ji

[sandhugurdaspuria]

thanx g

[Rajinder Kaur]

very nice

[sandhugurdaspuria]

thanx g